कोहलपुर ।
बाँकेको कोहलपुरबाट प्रहरीले गैंडाको दुई थान खागसहित दुई जनालाई पक्राउ गरेको छ ।
इलाका प्रहरी कार्यालय कोहलपुरबाट खटिएको बिशेष प्रहरी टोलीले शुक्रबार दिउँसो गैंडाको त्रिभुज आकारको बहुमूल्य खागसहित दुईजनालाई पक्राउ गरेको थियो ।
कोहलपुर प्रहरीका प्रमुख प्रहरी नायब उपरीक्षक (डिएसपी) रबिन्द्र खनालले खागसहित नवलपरासी बुलिङ्टार गाउँपालिका वडा नम्बर २ का ३५ बर्षीय कृष्ण पुलामी मगर र सिन्धुली ग्यङ्लेख गाउँपालिका वडा नम्बर ५ का ३४ बर्षीय सुरेश सिंजालीलाई पक्राउ गरिएको जानकारी दिए ।
बन्यजन्तु चोरी तस्करीमा संग्लन रहेको बिशेष सूचनाका आधारमा पछ्याउने क्रममा कोहलपुर ११ दशविगा नजिकै हिडिरहेको अवस्थामा चेकजाँच गर्ने क्रममा त्रिभुज आकारको बहुमूल्य खाग बरामद भएको उनले बताए ।
चेकजाँचका क्रममा कृष्ण पुलामी मगरको साथबाट त्रिभुज आकारको गंैडाको २ थान खाग बरामद भएको बताइएको छ ।
ईलाका प्रहरी कार्यालय कोहलपुरले बिहीबार साँझ मात्रै रेड पाण्डाको १ थान छाला, कालो भालुको २ थान पित्त र कस्तुरीको विणासहित तीन जनालाई पक्राउ गरेको थियो ।
भिडियो