मिसनटुडे संवाददाता
प्रकाशित मितिः बुधबार, माघ ७, २०७७
शिवु खनाल दाङ, ७ माघ
दाङमा एकजना सशस्त्र प्रहरी सालकाे रूखमा झुन्डिएको अवस्थामा फेला परेका छन् । पूर्वपश्चिम राजमार्ग देखि पचास मिटर उत्तर रहेको लमही नगरपालिका वडा नम्बर ५ अजम्मरी सामुदायिक वन भित्र नुवाकोट निवासी अन्दाजी २९ वर्षिय रमेश लामा तामाङ झुन्डिएको अवस्थामा फेला परेको वडा प्रहरी कार्यालय लमहीका प्रमुख प्रहरी निरिक्षक राजन पाैडेलले जानकारी दिनुभयो ।
प्रहरीका अनुसार उनी बारा जिल्लाबाट सरूवा भइ सशस्त्र प्रहरी बल नम्बर ४१ अर्जुनखोलामा हाजिर हुन आएकाे बुझिएको छ । उनी लमहीकाे एभरेस्ट प्लाजा हाेटलमा बाँस बसेकाे र विहान ८: ३० बजे हाेटलका साहुलाई एकछिन बाहिर जान्छु भनी हाेटलबाट बाहिर निस्किएको बुझिएको छ । शवलाई पाेष्टमार्टमकाे लागि लमही अस्पतालमा राखिएको छ ।।