27 May 2024  |   सोमवार, जेष्ठ १४, २०८१

जिल्ला सहकारी संघ बाँकेको २८ औं वार्षिक साधारण सभा सम्पन्न

मिसनटुडे संवाददाता
प्रकाशित मितिः शुक्रबार, पुस १८, २०७६  

काहेहलपुर  ।
जिल्ला सहकारी संघ बाँकेले आफनो २८ औं वार्षिक साधारण सभा सम्पन्न गरेको छ । बाँकेको नेपालगञ्जमा आज सम्पन्न जिल्ला सहकारी संघको २८ औं वार्षिक साधारण सभाको उद्घाटन बाँके निर्वाचन क्षेत्र नम्बर ३ ‘क’ प्रदेश सभा सदस्य इन्द्र प्रसाद खरेलले गरे ।
कार्यक्रममा बोल्दै प्रदेश सभा सदस्य खरेलले राजनीतिक परिवर्तन भएसँगै जनताको आर्थिक स्तरमा परिवर्तन ल्याउनका लागि सहकारीहरुले महत्वपूर्ण भूमिका खेलेको बताए ।
साथै उहाँले नेपाल सरकारले लिएको ‘समृद्व नेपाल, सुखी नेपाली’ को नारालाई पुरा गर्नका लागि सहकारीहरु नै प्रमुख क्षेत्र भएको बताउँदै जनताको जीवनलाई आर्थिक रुपमा सहज बनाउन सहकारीहरु लागि पर्नुपर्ने बताए ।
सहकारीको अवधारण कम्युनिष्टसँग मिल्दोजुल्दो भएकाले वर्तमान सरकारले सहकारी अभियानलाई प्रभावकारी बनाउनका लागि विशेष नीति लिनुपर्नेमा उनले जोड दिए

कार्यक्रममा जिल्ला सहकारी संघ बाँकेका अध्यक्ष प्रेम प्रसाद सुवेदीले जिल्ला सहकारी संघको वार्षिक प्रतिवेदन प्रस्तुत गर्दै आर्थिक वर्ष २०७५९०७६ मा संघको शेयर पूँजी २१ लाख ४९ हजार, निक्षेप संकलन २ करोड ७९ लाख, ऋण लगानी २ करोड ९ लाख, कुल मुनाफा १ लाख २० हजार रहेको जानकारी दिए ।

साथै उहाँले जिल्ला सहकारी संघले बाँके जिल्ला भित्रका सहकारी संघ९संस्थाहरुको विकास तथा प्रवद्र्वन गर्ने, आफ्ना सदस्य९संस्थाहरुको व्यवसायिक तथा आर्थिक विकासका लागि सहयोग गर्ने, सदस्य संघ९संस्थाहरु बीच समन्वयन कायम गर्ने उद्देश्य लिएको बताए ।

कार्यक्रममा बोल्दै नेफस्कुनका महासचिव दामोदर अधिकारीले जिल्ला सहकारी संघ बाँकेले सहकारीको सिद्वान्त र मूल्य मान्यता बमोजिम अगाडी बढेर विविध कार्य गर्दै देशकै उत्कृष्ट सहकारी संघ बन्दै गएको महसुस आफुले गरेको बताए ।
साथै उनले जिल्ला सहकारी संघले सहकारी संस्थाहरुले बचत संकलन र ऋण प्रवाहमा मात्र सिमित नरहेर अव सदस्यहरुलाइ ठुलो बचत गर्न सक्ने र ठुलो ऋण खान सक्ने क्षमता अभिवृद्वि गराउन तर्फ ध्यान दिनु पर्ने बताए ।
कार्यक्रममा बोल्दै राष्ट्रिय सहकारी बैंकका संचालक सदस्य बिजया धितालले जिल्ला सहकारी संघ बाँकेले जिल्लामा रहेका सहकारीहरुको विकास र समृद्विका लागि विशेष कार्यक्रमहरु सञ्चालन गर्नुपर्ने भन्दै राष्ट्रिय सहकारी बैंकले संघलाई आवश्यक सहयोग गर्ने प्रतिवद्वता जनाए ।

कार्यक्रममा जीवन जिउने कला अभियानका उत्प्रेरणात्मक अभियान्ता कन्चन घिमिरेले सहकारी अभियानलाई सफल बनाउन सहकारी अभियानकर्मीहरुमा सकरात्मक सोचको विकास हुन आवश्यक रहेको बताए ।

साथै उनले सहकारी क्षेत्रमा काम गरिरहेका व्यक्तिहरु सामाजिक क्षेत्रमै केन्द्रीत हुने भएकाले जीवनलाई सहज र सरल बनाउन समेत जोड दिए ।

प्रकाशित मितिः शुक्रबार, पुस १८, २०७६     8:20:40 PM  |