21 June 2021  |   सोमवार, असार ७, २०७८

निकुञ्ज प्रवेशका लागि नयाँ मार्ग

मिसनटुडे संवाददाता
प्रकाशित मितिः मङ्लबार, अशोज १६, २०७५  

नेपालगन्ज/   बर्दियाको बाँसगढी नगरपालिका—१ चेपाङ क्षेत्रबाट पर्यटकले अब बर्दिया राष्ट्रिय निकुञ्ज प्रवेश गर्न पाउने भएका छन् ।

कोहलपुर–सुर्खेत सडकखण्डमा पर्ने बबईको चेपाङ क्षेत्रबाट पर्यटकलाई निकुञ्ज प्रवेशका लागि मार्ग खुल्ला गरिएको छ ।

निकुञ्ज प्रवेशका लागि नयाँ मार्ग खुल्ला गरिएपछि आन्तरिक तथा बाह्य पर्यटकको आगमनमा वृद्धि हुने अपेक्षा गरिएको बर्दिया बासगढी नगरपालिका प्रमुख शालिकराम अधिकारीले बताए ।

यसअघि बर्दियाको ठाकुरद्वारबाट मात्र निकुञ्ज प्रवेश गर्न सकिने व्यवस्था थियो । सो मार्गको हालै प्रदेश नं ५ का उद्योग, पर्यटन, वन तथा वातावरणमन्त्री लीला गिरीले उद्घाटन गरेका थिए ।

सो अवसरमा मन्त्री गिरीले प्रदेशभित्रका पर्यटकीय क्षेत्रको विकासका लागि प्रदेश सरकारले मुख्य प्राथमिकतामा राखेर निकुञ्जलाई खुल्ला गर्ने रणनीति अवलम्बन गरिएको बताए ।

प्रकाशित मितिः मङ्लबार, अशोज १६, २०७५     8:00:29 AM  |

Leave a Reply

Your email address will not be published. Required fields are marked *