मिसनटुडे संवाददाता
प्रकाशित मितिः सोमवार, अशोज १, २०७५
कोहलपुर/ पश्चिम नेपालका थारु समुदायले आइतबार हर्षोल्हासका साथ अटवारी पर्व मनाएका छन् ।
बाँके, बर्दिया, दाङ, सुर्खेत, कैलाली, कञ्चनपुर लगायतका थारु समुदायले अटवारी पर्व मनाउने गर्दछन् ।
हरेक वर्षको कृष्ण अष्टमीपछि आइतबार पारेर यो पर्व मनाउने चलन छ । खासगरी थारु समुदायका पुरुषहरुले महिलाको सम्मानको लागि भनेर यो दिनलाई विशेष रुपमा लिने गरेका छन् ।
यस वर्षको दिन पानीसमेत नखाएर (निर्जला) ब्रत बस्ने गरिन्छ ।
किम्वदन्तीअनुसार दाङका थारु राजा दंगीशरण, पाण्डव र कौरवको बीचको युद्धका नायक भीमसँगसमेत जोडेर यो पर्वलाई मनाउने गरिएको छ । प्रदेश ७ मा प्रदेश सरकारले यो पर्वका अवसरमा आइतबार सार्वजनिक बिदा दिएको थियो ।