कोहलपुर,४ जेठ/ कोहलपुरका विभिन्न विद्यार्थी संगठनहरु आन्दोलित भएका छन् ।
बुधबार दुर्घटना परी मृत्यु भएका शिक्षक ऋषिराम चापागाई घटनाको छानविन गरी परिवारलाई उचित क्षतिपुर्तिको माग गर्दै आएका विद्यार्थीहरुलाई प्रहरीले नियन्त्रणमा लिएपछि आन्दोलित भएका हुन् ।
प्रहरीले अनेरास्ववियू बाँके क्षेत्र नं.१ का क्षेत्रीय सभापति सुमन घिमिरे, नेवि संघका कमल शाही, अखिल क्रान्तिकारीका राष्ट्रवादी विद्यार्थी संघका महामन्त्री विजय काफ्ले लगायतका विद्यार्थी नेताहरुलाई प्रहरीले नियन्त्रणमा लिएको छ ।
विद्यार्थीहरुले क्ष्ोतीपूर्तिको माग गर्दै नारा बाजी गर्दै पसल तथा गाडीहरु बन्द गराउदै हिडेको आन्दोलनमा उत्रिएका केही विद्यार्थीहरुलाई लाठी चार्ज गर्दै प्रहरीले नियन्त्रणमा लिएको छ ।
अहिले कोहलपुर बजार क्षेत्र तनावग्रस्त बनेको छ कोहलपुर बजार क्षेत्रमा सम्भावित घटना घट्न नदिन ठूलो मात्रामा प्रहरी परिचालन गरिएको छ । यस्तै विद्यार्थी संगठनहरुले कोहलपुर नगरभित्रका सम्पूर्ण शैक्षिक संस्थाहरु समेत बन्द गराएका छन ।
प्रतिक्रिया दिनुहोस्