काठमाडौं,२० वैशाख/ विश्व स्वास्थ्य संगठनले कुकुरको टोकाइबाट सर्ने रेबिजको संक्रमण रोक्न सबै देशहरुलाई आग्रह गरेको छ ।
विश्व स्वास्थ्य संगठनको नेपाल कार्यालयले बिहीबार काठमाडौंमा पत्रकार सम्मेलन गरी वर्षेनि विश्वमा ५९ हजार मानिसको रेबिजका कारण मृत्यु हुने गरेको जानकारी दिएको हो ।
रेबिजका कारण प्रत्येक ९ मिनेटमा एकजनाको ज्यान जाने गरेको र त्यसमा पनि बालबालिका तथा विपन्नको संख्या अधिक रहेको ‘डब्ल्युएचओ’ले जनाएको छ ।
रेबिजका कारण दक्षिण एसियाली देशमामात्रै वर्षेनि २६ हजारको ज्यान जाने गरेको जनाइएको छ ।
७० प्रतिशत कुकुरलाईमात्रै रेबिजको सुइ लगाउने हो भने पनि रेबिजरोगको संक्रमण कम गराउनसकिने सो संगठनले जनाएको छ ।
सो अवसरमा सन् २०३० सम्ममा रेबिज रोग नियन्त्रण गर्ने योजनासमेत सार्वजनिक गरिएको थियो ।-imagekhabar
प्रकाशित मिति : २०७५ वैशाख २० गते बिहीबार
प्रतिक्रिया दिनुहोस्