20 April 2021  |   बुधबार, बैशाख ८, २०७८

हात्तिपाईले रोगविरुद्धको औषधी खुवाउन शुरु

मिसनटुडे संवाददाता
प्रकाशित मितिः शनिबार, फाल्गुन १२, २०७४  

कोहलपुर,१२ फागुन/  बाँकेसहित देशभर आज फागुन १२ गतेबाट हात्तिपाईले रोग बिरुद्धको औषधी खुवाउन सुरु गरिएको छ । आज १२ गते देखी १४ गते सम्म हात्तिपाईले रोग विरुद्धको औषधी खुवाईने भएको हो । हात्तिपाईले रोगको जोखीम रहेका तराईका विभिन्न जिल्ला संगै बाँकेमा पनि हात्तिपाईले रोग बिरुद्धको औषधी खुवाउन सुरु गरिएको हो ।

नेपालगन्ज उपमहानगर पालिकाका २३ ओटै वडाका वडा अध्यक्ष, मेयर, उपमेयर, वरिष्ठ चिकित्सक लगायतले पनि हात्तिपाईले रोग विरुद्धको औषधी सेवन गर्नुभएको छ ।

आज पहिलो दिन टोलटोलका बुथ सेन्टरहरुमा औषधी खुवाईएको छ र भोली दोस्रो दिन घरघरमा स्वास्थ्य स्वयम सेविकाहरु पुगेर औषधी खुवाउने र छुटेकाहरुलाई तेस्रो दिन खुवाउने गरी कार्यक्रम बनाईएको छ ।

बाँकेमा ७ बर्ष अगाडी हात्तिपाइले बिरुद्धको औषधी सेवन पछी ४ जनाको मृत्यू भएपछी औषधी सेवनका लागी सर्बसाधारणहरु डराउने गरेका छन । सोही कारण हात्तिपाईले रोग बिरुद्धको अभियानमा बाँकेले सफलता हासिल गर्न सकेको छैन । तर चिकित्सकहरुले भने हात्तिपाईले रोग बिरुद्धको औषधी सेवनबाट कुनै हानि नहुने ठोकुवा गरेका छन ।

जिल्ला जनस्वास्थ्य कार्यालय बाँकेका अनुसार यो आठौ चरणको कार्यक्रम हो । सातौ चरण सम्म औषधी खुवाएर अभियान पुरा हुने भए पनि बाँकेमा यस अगाडीका कार्यक्रमहरुमा औषधी खानेहरुको संख्या कम भएकाले आठौ चरणमा औषधी खुवाउने कार्यक्रम राखिएको हो ।

प्रकाशित मितिः शनिबार, फाल्गुन १२, २०७४     7:38:13 PM  |

Leave a Reply

Your email address will not be published. Required fields are marked *