15 July 2024  |   सोमवार, असार ३२, २०८१

जैविक पार्कमा रहेको वनस्पति उद्यानको उद्घाटन

मिसनटुडे संवाददाता
प्रकाशित मितिः शनिबार, कार्तिक २५, २०७४  

मिसन सामाचारदाता कोहलपुर, २५ कार्तिक,, नमूना मध्यवर्ती सामुदायिक वन उपभोक्ता कोहलपुर नपा–१३ खडकवारमा स्थित जैविक पार्कमा रहेको वनस्पति उद्यानको शुक्रबार एक कार्यक्रमका बीच उद्घाटन गरिएको छ । पार्कको कोहलपुर नगरपालिका प्रमुख लुट बहादुर रावत, बाँके राष्ट्रिय निकञ्जका सहायक संरक्षण अधिकृत लालबहादुर भण्डारी र जिल्ला वनस्पति कार्यालय बाँकेका वैज्ञानिक अधिकृत अर्जुन न्यौपानेले संयुक्त रुपमा उद्घाटन गरेका थिए । सो क्रममा तीनै जना अतिथिले वृक्षारोपन समेत गरेका थिए । कार्यक्रममा बोल्दै प्रमुख अतिथि कोहलपुर नगरपालिकाका प्रमुख रावतले कोहलपुर नगरपालिका भित्रका तीन वटा पार्कलाई विशेष महत्वका साथ हेरिएको र तिनको विकासका लागि आवश्यक बजेटको व्यवस्था गर्ने बताए ।
जिल्ला वनस्पति कार्यालय बाँकेका वैज्ञानिक अधिकृत अर्जुन न्यौपानेले वनस्पति कार्यालयको एक नगर, एक उद्यान कार्यक्रमअन्तर्गत सो पार्क निर्माणमा सहयोग गरेको
बताए । जिल्ला वनस्पति कार्यालय बाँकेको रु ४ लाख ७० हजारको अनुदान सहयोग तथा नमूना मध्यवर्ती सा.व.उ.को रु १ लाख ६० हजार गरी जम्मा रु ५ लाख ६७ हजारको लागतमा उद्यान निर्माण गरिएको समूहका सचिव भद्रजङ्ग वलीले जानकारी दिए । कोहलपुर नपा–१३ का वडाध्यक्ष ओम प्रकाश वलीले त्यस क्षेत्रमा रहेका नदीजन्य पदार्थलाई कोहलपुर तथा अन्य क्षेत्रमा विक्रि वितरण गर्न पाउनु पर्ने भन्दै निकुञ्ज लगायत सम्वन्धित निकायले व्यवस्था मिलाउनु पर्ने बताए ।
यस्तै उद्यान निर्माण समितिका सचिव भिमबहादुर डाँगीले विभिन्न प्रकारका वनस्पतिको संरक्षण र विकासका लागि उद्यान निर्माण गरिएको जानकारी दिए । उद्घाटन कार्यक्रममा कोहलपुर नगरपालिकाका प्रशासकिय अधिकृत प्रेम प्रसाद देवकोटा, ७ का अध्यक्ष दिपकजङ्ग शाह, हरित पिकनिक पार्कका अध्यक्ष लालबहादुर राना, कोहलपुर मध्यवर्ती क्षेत्र उपभोक्ता समितिकी अध्यक्ष सावित्रा पुन, बाँके राष्ट्रिय निकुञ्ज खड्कवार पोष्टका रेन्जर अक्षय कुमार चौधरी लगायतको उपस्थिति रहेको थियो ।

प्रकाशित मितिः शनिबार, कार्तिक २५, २०७४     8:11:34 AM  |