23 September 2021  |   बिहिबार, अशोज ७, २०७८

अन्तरर्राष्ट्रिय स्तरको मुस्लिम धार्मिक प्रवचन नेपालगन्जमा शुरु

मिसनटुडे संवाददाता
प्रकाशित मितिः बिहिबार, कार्तिक ९, २०७४  

नेपालगंज, ९ कार्तिक/ दाउते इस्लामी नेपालको आयोजनामा अन्तर्राष्ट्रिय स्तरको मुस्लिम धार्मिक प्रचवन कार्यक्रम आजबाट नेपालगन्जमा सञ्चालन भएको छ ।

विश्वमा बढ्दै गइरहेको बेरोजगारी अमानवियता र अशान्तिविरुद्ध धार्मिक चिन्तनद्वारा विश्वमा भाइचारा, अमनचयन, शान्ति कायम गर्ने उद्देश्यले कार्यक्रमको आयोजना गरिन लागेको बताईएको छ ।
सो कार्यक्रममा दाउते इस्लामीका केन्द्रीय अध्यक्ष हाजी मौलाना इमरान अत्तारी, केन्द्रीय सदस्य अब्दुल हबीब अत्तारीले कार्यक्रमलाई सम्बोधन गर्ने अन्तरराष्ट्रिय धार्मिक कार्यक्रमका संयोजक सैयद रिहान अत्तारीले जानकारी दिए । कार्यक्रममा ठूलो संख्यामा मुस्लिम धर्मका धर्मगुरुको सहभागिता रहने बताईएको छ ।
भारत, बंगलादेश, पाकिस्तानका साथै ८ वटा देशका मुस्लिमहरुको धार्मिक प्रवचन कार्यक्रममा सहभागिता रहने दाउते इस्लामी नेपालका अध्यक्ष रमजान मियाले बताए । मियाका अनुसार ४ दिनसम्म चल्ने सो धार्मिक प्रवचनका लागि सम्पूर्ण तयारी पूरा भएको बताउदै बाहिरी देशबाट आउने धार्मिक गुरुहरुका लागि स्थानीय प्रशासनले सुरक्षा प्रदान गरेको बताए ।
हजारौको संख्यामा भारतबाट दाउते इस्लामीका सदस्यहरु भारतीय प्रह्रीको कडा चेकजाँच पश्चात मंगलबार नेपालगन्ज आइपुगेको आयोजकले जनाएको छ । बिहिबार १ बजेदेखि नेपालगन्ज उप–महानगरपालिका–६ फत्तेवाल आँखा अस्पताल नजिकै आयोजना गरिएको धार्मिक प्रवचन इस्लामिक धार्मिक मदनी च्यानल पाकिस्तानबाट प्रत्यक्ष प्रसारण गरिने भएको छ । Sadarline

प्रकाशित मितिः बिहिबार, कार्तिक ९, २०७४     2:04:02 PM  |