यान बि साहु
कोहलपुर, २५ भदौ ।
कोहलपुर नगरपालिकास्थित वालविद्या मन्दिर आवासिय मावि कक्षा–११ मा अध्ययनरत विद्यार्थीहरुलाई शनिबार एक कार्यक्रमको आयोजना गरी स्वागत गरिएको छ । सोही विद्यालय कक्षा–१२ मा अध्ययनरत विद्यार्थीहरुले स्वागत उनीहरुलाई गरेका हुन् ।
कार्यक्रममा स्वागत मन्तव्य राख्दै विद्यालयका प्रवन्धक गोविन्द सुवेदीले वाल विद्याले विद्यार्थीहरुको सैद्धान्तिक भन्दा व्यवहारिक तथा गुणस्तरिय शिक्षामा विशेष जोड दिदै आएको बताएका छन् । विद्यार्थीहरुलाई समसामयिक परिवेशमा प्रतिस्पर्दा गर्न सक्ने खालको शिक्षा प्रदान गर्नु आफूहरुको पहिलो प्राथमिकता रहेको बताए ।
साथै विद्यार्थीहरुलाई स्वागत गर्दैे अझ लगनशिल र मेहनेती भएर अध्ययन कार्यमा लाग्न समेत सुझाव दिए । स्वागत कार्यक्रममा कक्षा–११ मा अध्ययनरत विद्यार्थीहरुलाई अविर लगाएर स्विागत गरिनुका साथै विभिन्न सांस्कृतिक कार्यक्रमहरु समेत प्रस्तुत गरिएको थियो ।
विद्यालयका प्रमुख प्रवन्धक सुरज रिजालको प्रमुख आतिथ्यतामा भएको स्वागत कार्यक्रम विद्यालय व्यवस्थापन समितिका अध्यक्ष पदम खड्काको सभापतित्वमा सम्पन्न भएको थियो ।