23 October 2021  |   शनिबार, कार्तिक ६, २०७८

पाकिस्तानमा सैन्य शासन लागू गर्न माग गर्दै सहरभरी पोस्टर टाँगियो

मिसनटुडे संवाददाता
प्रकाशित मितिः बुधबार, असार २९, २०७३  

इस्लामावाद, असार २९ । पाकिस्तानमा सैन्य शासन लागू गर्न माग गर्दै विभिन्न सहरमा पोस्टर टाँगिएको छ । पञ्जावलाई आधार क्षेत्र बनाएको ‘मुभ अन पार्टी’ ले विभिन्न १३ सहरमा सेना प्रमुखको पोस्टर टाँगेर देशमा सैन्य शासन लगाउन माग गरेको हो । सो पार्टीले वर्तमान सरकारलाई अपदस्थ गरी सेना प्रमुखकै नेतृत्वमा विज्ञहरु सम्मिलित सरकार गठन गर्न माग गरेको छ । सो पार्टीका नेता अली हाशमीले संचारकर्मीहरुसँग भने, ‘पाकिस्तानमा सैन्य शासन लागू गर्ने बेला भइसकेको छ भन्ने कुरा सेना प्रमुखलाई बुझाउन हामीले अभियान थालेका हौं ।’ उनका अनुसार ४० दिनभन्दा लामो समय प्रधानमन्त्री नवाज शरीफ देश बाहिर हुनु अनौठो विषय हो । यसबारेमा सेनाका तर्फबाट भने कुनै प्रतिक्रिया आएको छैन । (एजेन्सी)

प्रकाशित मितिः बुधबार, असार २९, २०७३     1:54:45 PM  |