कोरोनाबाट मृत्यु भएका घलेको अन्त्येष्टी



नेपालगञ्ज ।

कोरोना संक्रमण देखिएपछि मृत्यु भएका बाँके नेपालगञ्ज उप–महानरपालिकाका कर्मचारी युवराज बिक्रम घलेको सोमबार राप्ती नदीमा अन्त्येष्टी गरिएको छ ।

५९ वर्षीय घलेको सोमबार बिहान बाँकेको राप्ती नदी सिधनियाँ घाटमा हिन्दु संस्कार अनुसार अन्त्येष्टी गरिएको बाँकेका प्रमुख जिल्ला अधिकारी रामबहादुर कुरुम्बाङले जानकारी दिए ।

नेपाली सेनाको सलामीसहित घलेको अन्त्येष्टी गरिएको थियो । नेपालगन्ज–९ का घलेको आइतबार राती साढे आठ बजे नेपालगञ्ज मेडिकल कलेज शिक्षण अस्पताल कोहलपुरमा मृत्यु भएको थियो ।

घले नेपालगञ्ज उपमहानगरपालिकाको जिन्सी शाखा सहायक थिए । उहाँको मृत्यु शोकमा उपमहानगरपालिका कार्यालय एक दिनका लागि बन्द गरिएको छ भने मंगलबारदेखि तीन दिनसम्मका लागि कार्यालय शिल गरिएको छ ।

  • No tags available
प्रकाशित मिति : २०७७ भदौ २२ गते सोमबार