कोहलपुर : बुधबार बिहान टिप्परले एक महिलालाई ठक्कर दियो । टिप्परको ठक्करबाट कोहलपुर नगरपालिका ९ की रामपति थारुको घटनास्थल मै निधन भयो । दोषिलाई कारबाहीको माग गर्दै पीडित पक्षले ४ घण्टा आन्दोलन गरे ।
पछि प्रहरीले दोषि माथि कारबाही गर्ने टिप्पर मालिकलाई कोहलपुर झिकाएर पीडित पक्षका माग सम्बोधन गर्ने निर्णय पछि आन्दोलन स्थगित भयो । तर बिहिबार बिहान पनि माईक्रो बसले अटो रिक्सालाई ठक्कर दिदाँ अटो चालकले ज्यान गुमाए । त्यसपछि कोहलपुरमा पुनः आन्दोलन शुरु भयो ।
अहिले पनि आन्दोलन हुदाँ यहाँको सवारी साधान पूर्ण रुपमा ठप्प छन् । यसमा ईलाका प्रहरी कार्यालयको समन्वयकारी भूमिका मजबुत हुनु पर्ने हो । तर प्रहरीको बेवास्ताका कारण कोहलपुर प्रत्येक दिन अशान्त बन्दै गएको छ ।
पीडित पक्षको माग सम्बोधन गर्न कोहलपुर प्रहरी असफल भएको छ । हिजो मात्रै कोहलपुर प्रहरीका डिएसप िकुलदेव चन्दले टिप्पर मालिकलाई बोलाएर पीडित पक्ष सँग वार्ता गरी क्षेतिपूर्ती दिलाउने र दोषि माथि मुद्धा चलाउने बताएका थिए । तर टिप्पर मालिक अझै सम्म कोहलपुर आइपुगेका छैनन् ।
थारुका आफन्त पुनः आन्दोलन गरिहेका छन् । सवारी आवामन ढप्प भएको छ । यता बिहीबार विहान भएको घटनामा समेत पीडित पक्षले बसका मालिकलाई ल्याएर वार्ता गर्न आग्रह गरेका थिए ।
तर उनी अझै पनि कोहलपुर प्रहरीको सम्पर्कमा आएका छैनन् । पीडित पक्षले प्रहरीले मागको बेवास्ता गरेको भन्दै आन्दोलन गरिहेका छन् ।
यसरी हेर्दा प्रहरी कै कारण आन्दोलन चर्किदै गएको छ । जतिबेला पनि अप्रिय घटना हुन सक्ने सम्भावना बढ्दै गएको छ ।
कोहलपुर प्रहरी पीडितका मागका सम्बन्धमा गम्भीर नेदेखिएको स्थानीयले बताएका छन् ।
प्रतिक्रिया दिनुहोस्