4 March 2024  |   सोमवार, फाल्गुन २१, २०८०

नक्सा प्रिन्टको राजस्व दर हेरफेर

मिसनटुडे संवाददाता
प्रकाशित मितिः शुक्रबार, पुस २०, २०८०  

नेपालगन्ज।
सरकारले नक्सा प्रिन्टको राजस्वसम्बन्धी व्यवस्था परिवर्तन गर्दै अब जति कित्ताको नक्सा प्रिन्ट चाहिने हो त्यतिकै राजस्व बुझाउनुपर्ने निर्णय गरेको छ । विगतमा धेरै कित्ता भए पनि एउटा सिटको नक्सा प्रिन्टको राजस्व मात्रै बुझाउनुपथ्र्यो । भूमि व्यवस्था, सहकारी तथा गरिबी मन्त्रालयले नक्सा प्रिन्टको राजस्वको दर परिवर्तन गरेको हो ।

२०८० पुस ११ गतेको मन्त्रिस्तरीय निर्णय अनुसार नक्सा प्रिन्टका लागि नयाँ व्यवस्था गर्दै राजस्वको दर परिवर्तन गरिएकोप्रति अनेक प्रतिक्रिया आएको छ । जग्गाधनीको टाउकोमा राजस्व थुपार्ने काम गरिएको भन्ने आवाज पनि उठेको छ ।विगतमा नक्सा प्रिन्ट माग गर्दा प्रतिसिट नक्साको राजस्व १ सय लिने गरिएको थियो । तर अब निवेदकले माग गरेबमोजिम प्रतिकित्ता १ सय राजस्व उठाउने निर्णय गरिएको हो ।

उक्त निर्णय कार्यान्वयन गर्नु भन्दै मन्त्रालयले देशभरका नापी कार्यालयलाई परिपत्र गरेको छ । परिपत्रलगत्तै नापी कार्यालयले निर्णय कार्यान्वयन गरेका छन् ।जग्गाधनीको निजी प्रयोजन तथा बैंक÷वित्तीय संस्थाहरूको वित्तीय प्रयोजनका लागि नक्सा प्रिन्ट प्रयोग हुने गरेको छ जसमा घुमाउरो पारामा राजस्व थोपरिएको छ ।

प्रकाशित मितिः शुक्रबार, पुस २०, २०८०     7:21:14 AM  |