कोहलपुर ।
कोहलपुरमा टिपरले भ्यानलाई ठक्कर दिँदा १३ जना घाइते भएका छन् । सोमबार बिहान कोहलपुर नगरपालिका–३ मैटहवा नजिकैं टिपरले भ्यानलाई ठक्कर दिदा १३ जा घाइते भएका हुन् । घाइते हुनेमा बाह्रबर्दिया नगरपालिका–७की ३१ वर्षीया सुनिता नेपाली, बासगढी नगरपालिका–४ बस्ने ३६ वर्षीय रमेश थारू, सुर्खेत लेकबेसी–४ का ४७ वर्षीय प्रेम चदारा रहेका छन् ।
यस्तै गुलरिया बाह्रबर्दिया–९की २० वर्षीया अन्जु चौधरी, कोहलपुर–१० बस्ने ३९ वर्षीया कमला कुमारी देवकोटा, बैजनाथ गाउँपालिका–६ बस्ने ३१ वर्षीया अप्सरा बुढाथोकी,बैजनाथ गाउँपालिका–५ बस्ने २० वर्षीया सपना परियार घाइते भएकी छिन् ।
यस्तै बासगढी नगरपालिकाकी ५० वर्षीया विष्णुकला खत्री, बासगढी नगरपालिका–२ बस्ने २० वर्षीय प्रशान्त विष्ट, बैजनाथ गाउँपलिका–६ बस्ने ३० वर्षीय करण डडेल, कोहलपुर नगरपालिका–५ बस्ने ४० वर्षीया टीका कुमारी डीसी , बैजनाथ गाउँपालिका–३ बस्ने ५८ वर्षीय पठे एरी र म्याजिक चालक कोहलपुर–२ बस्ने २७ वर्षीयप्रदीप विक घाइते भएका छन् ।
उनीहरूमध्ये ७ जना सामान्य उपचार गरेर घर फर्किइसकेका छन् भने बाँकी ६ जनाको उपचार नेपालगञ्ज मेडिकल कलेज कोहलपुर शिक्षण अस्पतालमा भइरहेको प्रहरीले जनाएको छ । पूर्व–पश्चिम राजमार्गअन्तर्गत कोहलपुरबाट बाँसगढीतर्फ जाँदै गरेको भे १ ज ७४७ नम्बरको भ्यानलाई पछाडिबाट टिपरले ठक्कर दिँएको थियो । प्रहरीले म्याजिक भ्यानलाई ठक्कर दिने टिपर र चालकलाई नियन्त्रणमा लिएर थप अनुसन्धान भइरहेको जनाएको छ ।
प्रतिक्रिया दिनुहोस्