मुगु ।
मुगु जिल्लाको सदरमुकाम गमगढी बजारमा आगलागी भएको छ ।
आगलागीले बजारमा रहेका ६ वटा घर पूर्णरुपमा जलेर नष्ट भएका छन् । गए राति बजारमा आगलागी भएको जिल्ला प्रहरी कार्यालय मुगुका प्रमुख, प्रहरी नायव उपरीक्षक वीरेन्द्र थापाले जानकारी दिएका हुन् ।
सुरक्षाकर्मी र स्थानीयबासीको सक्रियतामा आगो नियन्त्रणमा लिइएको छ । राति १ बजे लागेको आगो नियन्त्रणमा आउन साढे तीन घण्टा लागेको थियो ।
जलेका भवनमा कम्प्युटर पसल, मोबाइल पसल, होटेल, सैलुन र ग्याँस सिलिन्डर पसल थिए । आगलागीबाट कुनै मानवीय क्षति भने नभएको प्रहरीले जनाएको छ ।
क्षतिको विवरण संकलनको काम जारी रहेको डिएसपी थापाले बताए ।
प्रकाशित मिति : २०८० असोज ६ गते शनिबार
प्रतिक्रिया दिनुहोस्