मधुर पौडेल । बाँसगढी ।
घरयासी झगडा हुँदा बाँसगढी नगरपालिका– ८ ककौरामा देवरले भाउजूलाई घरेलु हतियारले आक्रमण गरेका छन् ।
शनिबार साँझ साढे ५ बजेतिर देवरले भाउजूलाई आक्रमण गरेर गम्भीर घाइते बनाएको ईलाका प्रहरी कार्यालय मोतिपुर बाँसगढीले जनाएको छ ।
प्रहरीका अनुसार ३३ वर्षीय देवर मिलन थारुले ३८ अन्दाजी ३८ वर्षीया भाउजूलाई घर नजिकैंको सडकमा घरेलू हतियारले आक्रमण गरेका हुन् । स्थानीयबासीले बञ्चरो प्रहार गरेको बताएपनि हालसम्म पनि बञ्चरो फेला नपरेको बाँसगढी प्रहरीले जनाएको छ ।
घाइतेको शरिरका विभिन्न भागमा गहिरो चोटपटक लागेको छ । गम्भीर घाइतेलाई कौशिल्या अस्पताल बाँसगढीमा उपचार पश्चात थप उपचारका लागि नेपालगन्जतर्फ लगिएको छ ।
घटनाबारे थप जानकारी आउन बाँकी रहेको छ । घटनाको अनुसन्धानको लागि बाँसगढी प्रहरी घटनास्थलमा पुगेको छ ।
प्रकाशित मिति : २०८० असार २ गते शनिबार
प्रतिक्रिया दिनुहोस्