नेपालगन्ज, १७ जेठ
हिमालय रोडिज सिजन–५ को नेपालगन्जमा ‘फिजिकल अडिसन’ भएको छ । बुधबार यामाहा नेपालगन्जका लागि आधिकारिक बिक्रेता बर्दिया अटो इन्टरनेसनल प्रालिमा उक्त अडिसन सम्पन्न भएको हो ।
हिमालय रोडिज सिजन–५ हिमालय टिभीबाट प्रसारण हुन्छ । अडिसनमा १६ जना प्रतिस्पर्धीले सहभागिता जनाएका बर्दिया अटो इन्टरनेसनल प्रालिका सञ्चालक घनश्याम बरालले जानकारी दिए । जेठ १२ गतेदेखि सुरु भएको ‘फिजिकल अडिसन’ २१ गतेसम्म चल्नेछ ।
पहिलो दिन बर्दिवासमा, १३ गते इटहरी, १४ गते हेटौंडा, १५ गते भरतपुर र १६ गते बुटवलमा ‘फिजिकल अडिसन’ सम्पन्न भइसकेको थियो भने बुधबार नेपालगन्जमा सम्पन्न भएको हो ।यस्तै १९ गते पोखरा र २१ गते काठमाडौंमा अडिसन सञ्चालन हुने जनाइएको छ ।
आउँदो शुक्रबारदेखि सुरु हुने रोडिजको पाँचौं सिजनलाई सिमोस सुनुवारले निर्देशन गर्नेछन् । हिमालय रोडिज सिजन ५ को टाइटल स्पोन्सर यामाहा रेसिङ रहेको छ । उक्त अडिसनको छायांकन सुरु हुनभन्दा पहिला नेपालगन्जमा मोटरसाइकल ¥याली गरिएको थियो ।
काँरकादो–धम्बोझी–गणेशमान चोकबाट पुनः काँरकादो आएर सम्पन्न भएको थियो । नेपालगन्जमा आउन पाउँदा अत्यन्त खुसी लागेको जजहरुले प्रतिक्रिया दिएका थिए । हिमालय रोडिज सिजन–५ को जजमा प्रियंका कार्की, दिया मास्के, अनुपविक्रम शाही र एकेए लाउरे छन् । सुरज सिंह ठकुरीले सो होस्ट गर्दैछन् ।
स्कुटरमा क्रान्ति गर्दै यामाहा नेपालले ल्यायो ‘रे जेडआर १२५ हाइब्रिड’
यामाहा नेपालले ‘रे जेडआर १२५ हाइब्रिड’ स्कुटर सार्वजनिक गरेको छ । यामाहाले सार्वजनिक गरेको ‘रे जेडआर १२५ हाइब्रिड’ स्मार्ट मोटर जेनेरेटरसहितको भएको यामाहा नेपालगन्जका लागि आधिकारिक बिक्रेता बर्दिया अटो इन्टरनेसनल प्रालि नेपालगन्जले जनाएको छ ।
भौगोलिक आवश्यकता र प्रयोगकर्ताहरुको माग बमोजिम स्टाण्डर्ड, डिलक्स र प्रिमियम÷प्रिमियम प्लस गरी चार ट्रिममा ‘रे जेडआर १२५ हाइब्रिड’ सार्वनिक गरिएको यामाहा नेपालगन्जका लागि आधिकारिक बिक्रेता बर्दिया अटो इन्टरनेसनल प्रालि सञ्चालक घनश्याम बरालले जनाए ।
कम्पनीका अनुसार ‘रे जेडआर १२५ हाइब्रिड’को केन्द्रमा शक्तिशाली एयर कूल्ड, फ्युल इन्जेक्टेड १२५ सीसी ब्लू कोर इन्जिन रहेको छ । ‘रे जेडआर १२५ हाइब्रिड’ शृंखलाको हाइब्रिड भेरियन्टहरूले स्मार्ट मोटर जेनेरेटरलाई गतिरोधको समयमा शक्ति सहायता प्रदान गर्दछन् ।
साइलेन्ट स्टार्टरको रूपमा पनि चिनिने यो उन्नत प्रणाली सहरको सवारी अवस्थाहरूमा जिप्पियर प्रदर्शन र इन्धन दक्षतालाई मद्दत गर्न इलेक्ट्रिक मोटरको रूपमा दोब्बर हुने इलेक्ट्रिक पावर सपोर्टको सिमलेस एकीकरणले इन्धनको बचत मात्र गर्दैन, समग्र सवारी अनुभवलाई पनि बढाउने कम्पनीले जनाएको छ ।
‘रे जेडआर १२५ हाइब्रिड एक पुनः डिजाइन गरिएको, पूर्णरूपमा डिजिटल इन्स्टुमेन्ट क्लस्टर र मानकको रूपमा एलइडी हेडल्याम्पले सुसज्जित छ, जसले सवारी चालकहरूको लागि अधिकतम भिजिबलिटी र सुविधा सुनिश्चित गर्दछ ।
१४५ एमएमको ग्राउन्ड क्लियरेन्सको साथ मात्र ९९ किलोग्राममा उल्लेखनीयरूपमा हल्का यसमा युनिफाइड ब्रेकिङ सिस्टम (यूबीएस), साइड स्ट्यान्ड इन्जिन कट–अफ फङ्सन, र २१ लिटर अन्डर–सीट भण्डारण जस्ता सुविधाहरू छन् ।
स्टप एण्ड स्टार्ट प्रणालीले छोटो बिसौनीमा इन्जिनलाई स्वतः स्विच अफ गरी मूल्यवान ऊर्जा बचत गरेर इन्धन दक्षतालाई अझ बढाउँछ,’ उनले भने ।
सीईओ राजु क्षेत्रीले ‘रे जेडआर १२५ हाइब्रिड’ सिरिज सार्वजनिक गर्न पाउँदा उत्साहित भएको बताएका छन् ।
‘अल्टिमेट स्कुटर बाइकिङ एरोक्सको सफल सुरुवातपछि नेपालको पहिलो हाइब्रिड स्कुटर ‘रे जेडआर १२५ हाइब्रिड’ लन्च गर्न पाउँदा यामाहा नेपाल गौरवान्दित छ,’ उनले भने, ‘यसले शक्ति, शैली र सुरक्षाको संयोजन गर्दछ जसले गर्दा हाम्रा मूल्यवान् ग्राहकहरूलाई अत्याधुनिक उत्पादनहरू उपलब्ध गराउने हाम्रो प्रतिबद्धतालाई अझ फराकिलो बनाउँछ ।’
कम्पनीका अनुसार ‘रे जेडआर १२५ हाइब्रिड’ बेसिक मोडेल स्ट्यान्डर्ड रियर ड्रमको मूल्य दुई लाख ७९ हजार नौ सयबाट सुरु हुन्छ ।
प्रतिक्रिया दिनुहोस्