बाँके ।
बाँसगढीमा आइतबार राति सवारी दुर्घटनामा ज्यान गुमाएका युवालाई टिप्परले ठक्कर दिएको खुलेको छ । लु.अ.अ.ख ९७८६ नम्बरको टिप्परले भे६प ९०१५ मोटरसाइकललाई ठक्कर दिएको प्रहरी अनुसन्धानबाट खुलेको हो ।
सीसीटिभी फुटेजको आधारमा टिप्परले मोटरसाइकललाई ठक्कर दिएको खुलेको ईलाका प्रहरी कार्यालय मोतिपुर बाँसगढी स्रोतले जनाएको छ ।
‘दुर्घटनास्थल हेर्दा कुनै सवारी साधनले ठक्कर दिएर भागेको जस्तो देखिएपछि बाँकेको सम्झनामा रहेको सिसि क्यामेराको फुटेज हेरेका थियौं’ बाँसगढी प्रहरी स्रोतले भन्यो, ‘नभन्दै ठक्कर दिएर भागेको को नै देखियो । टिप्पर समेत हाम्रो नियन्त्रणमा आइसकेको छ ।’
राति ११ः५५ बजेको समयमा भे६प ९०१५ मोटरसाईकल दुर्घटना भएको अवस्थामा फेला परेको थियो । बाँसगढी –५ केदारेश्वेर धाम नजिकै भएको दुर्घटनामा परेर कोहलपुर–१ कौशिलानगरका २९ वर्षीय केशव धिताल गम्भीर घाइते भएका थिए ।
बर्दिया प्रहरीअनुसार धिताललाई तत्कालै उद्दार गरेर उपचारका लागि नेपालगन्ज मेडिकल कलेज शिक्षण अस्पताल कोहलपुर पु¥याइएको थियो । उनको उपचारकै क्रममा अस्पतालमा मृत्यु भएको ईलाका प्रहरी कार्यालय मोतिपुर बाँसगढीले जनाएको छ ।