डुडुवाको बन्दामा डुबेर दुई युवकको मृत्यु

बाँके ।

कोहलपुरमा नुहाउन गएका दुईजनाको मृत्यु भएको छ । कोहलपुर नगरपालिका वडा नम्बर १३ र १० बीचमा पर्ने सिमरी बन्दास्थित डुडुवा खोलामा नुहाउन गएका उनीहरुको मंगलबार दिउँसो डुबेर मृत्यु भएको हो ।

कोहलपुर–१२ चौप्परगौडीका १५ वर्षीया मनसुन बराल र सोही ठाउँका अनिल भट्टराईको मृत्यु भएको इलाका प्रहरी कार्यालयका प्रहरी नायब उपरीक्षक सुन्दर तिवारीले जनाए ।

‘पाँचजना व्यक्ति खोलामा नुहाउने गएका रहेछन्,’ उनले भने, ‘तीनजना खोलामा पसेनन् । दुईजना मात्र खोलामा पौडी खेल्न हाम फालेका रहेछन् ।’