कोहलपुरमा ट्रकले किच्दा एक युवकको मृत्यु

बाँके ।

शुक्रबार राती कोहलपुरमा भएको सडक दुर्घटनामा परेर एक युवकको ज्यान गएको छ ।

ईलाका प्रहरी कार्यालय कोहलपुरका अनुसार सडक दुर्घटनामा मृत्यु हुनेमा कोहलपुर नगरपालिका वडा नं। ११ शान्तिनगर निवासी जय प्रकाश घर्ती रहेका छन् ।

कोहलपुर नगरपालिका वडा नं। ३ स्थित मदनचोकमा शुक्रबार बेलुका करिब ९ बजेको सडक दुर्घटना भएको थियो ।

पश्चिमतर्फ जाँदै गरेको रा १ क १३५६ नम्बरको ट्रकले पूर्वतर्फ आउँदै गरेको भे ७ प ८४३१ नम्बरको स्कुटरलाई ठक्कर दिदा स्कुटर चालक घर्तीको घटनास्थलमै मृत्यु भएको हो ।

ट्रक र ट्रकका चालकलाई नियन्त्रणमा लिएर घटनाको अनुसन्धान सुरु गरेको ईलाका प्रहरी कार्यालय कोहलपुरले जनाएको छ ।