कोहलपुर ।
कोहलपुरमा जारी छैटौैं नगर मेयर कप रनिङ्ग शिल्ड खेलकुद प्रतियोगिता तथा १५औँ पालिका स्तरीय राष्ट्रपति रनिङ्ग शिल्ड प्रतियोगिता आज सोमबार समापन हुँदैछ । कोहलपुर नगरपालिकाको आयोजना र कृष्ण मावि कौशिलानगरको व्यवस्थापनमा भइरहेको प्रतियोगिता भव्य समारोहका बीच आज समापन हुन गइरहेको हो ।
बिहीबारबाट सुरु भएको छैटौैं नगर मेयर कप आज दिउँसो १ बजे भव्य समारोहका बीच समापन गरिने कृष्ण मावि कौशिलानगरका प्रधानाध्यापक दिलीप ओलीले जानकारी दिए । नगर मेयर कप रनिङ्ग शिल्ड खेलकुद प्रतियोगितामा खेलाइएका १५ खेलमध्ये करिब एक दर्जन खेलहरु आइतबारसम्म सम्पन्न भइसकेको उनले बताए ।
आइतबार साँझसम्म ज्याव्लिन थ्रो, लंगजम्ज, हाइजम्प, ट्रिपल जम्प तथा सटपट १ सय,१ ५ सय मीटरको दौड लगायतका खेलको अन्तिम नतिजा आइसकेको थियो । छात्र/छात्रा भलिबल, कबड्डी लगायतका खेल भने आज सोमबार नै हुने कृष्ण मावि कौशिलानगरका प्रधानाध्यापक ओलीले बताए ।
‘प्रतियोगिता उत्साहपूर्वक चलिरहेको छ । धेरै खेल सकिएका छन् । बाँकी खेल अन्तिम दिन सोमबार सम्पन्न हुन्छन् । सोही दिन नै प्रतियोगिता सम्पन्न हुन्छन्,’ उनले भने । आइतबार साँझसम्म भएका खेलमा त्रिभुवन मावि र कृष्ण माविले अग्रता लिइरहेका थिए । प्रतियोगिता समेत कृष्ण मावि कौशिलानगरमा प्रतियोगिता भइरहेको छ ।
प्रतियोगिताको भव्य समारोहका बीच जिल्ला समन्वय समिति बाँकेका प्रमुख ज्ञानेन्द्र चौधरीले उद्घाटनका थिए । आज समापन भने कोहलपुर नगरपालिकाका प्रमुख पूर्णप्रसाद आचार्यले गर्नेछन् । नगर प्रमुख आचार्य प्रतियोगिता मूल आयोजक समितिका संयोजक समेत हुन् । प्रतियोगितामा १३ सामुदायिक र २४ संस्थागत विद्यालयका ११ सय ५६ जना खेलाडीहरुले सहभागिता जनाएका छन् ।