बांसगढी : ईलाका प्रहरी कार्यालय मोतिपुर बर्दियाले जंगलमा मृत भेटिएका व्यक्तिका आफन्तलाई सम्पर्कमा आउन अपील गरेको छ । एक सूचना जारी गर्दै प्रहरीले मृत भेटिएका व्यक्तिको शव हाल अस्पतालमा रहेकाले आफन्तलाई सम्पर्कमा आउन आग्रह गरेको हो ।
मंसिर १७ गते बांसगढी नगरपालिका वडा नम्बर ५ स्थित श्री सालघारी सामुदायिक जंगलमा बर्ष अन्दाजी ४देखि ४५ को पुरुष जंगलमा भेटिएका थिए । ती व्यक्ति घाँटीमा प्लाष्टिकको डोरी पासो लगाई मृत अवस्थामा फेला परेको मोतिपुर प्रहरीले जनाएको छ । कोही कसैलाई आफ्नो मान्छे हो भन्ने शंका लागेमा इलाका प्रहरी कार्यालय मोतिपुर र जिल्ला स्वास्थय कार्यालय बर्दियामा सम्पर्क गर्न अनुरोध गरिएको छ ।
प्रहरीका अनुसार ती व्यक्तिको हुलिया निलो ट्रयाकसुट माथि र तल कालो ट्रयाकसुट लगाएको छ । यस्तै सोही भित्र घरवनको सट,सोही भित्र कालो टिसर्ट ,सोही भित्र सेतो गन्जी लगाएको,खुट्टामा अगाडी बन्द भएको म्याजिक चप्पल लगाएको अवस्थामा रहेको छ ।