17 April 2024  |   बुधबार, बैशाख ५, २०८१

खाल्डोमा पुरिएको अवस्थामा भेटियो किशोर–किशोरीको शव

मिसनटुडे संवाददाता
प्रकाशित मितिः आइतवार, अशोज ३०, २०७९  

दाङ ।

दाङमा एउटै खाडलमा पुरिएको अवस्थामा किशोर-किशोरी शव फेला परेको छ ।

तुलसीपुर उपमहानगरपालिका- १३ दमार गाउँकाे जंगलमा सोही ठाउँका १४ वर्षीय शरद आचार्य र १५ वर्षकी रोशनी महतराको शव फेला परेको जिल्ला प्रहरी कार्यालय दाङका डीएसपी राजनकुमार गौतमले बताए ।

वडा अध्यक्ष मोहन पौडेलका अनुसार उनीहरु तीन दिनअघि (असोज २७ गते) साँझ घरबाट हराएका थिए । उनीहरुको शव आइतबार जंगलमा गाडिएको अवस्थामा फेला परेको हो ।

घटना शंकास्पद भएको र थप विवरण आउन बाँकी रहेको प्रहरीले जनाएको छ ।

प्रकाशित मितिः आइतवार, अशोज ३०, २०७९     7:12:43 PM  |