कोहलपुर ।
बाँकेको कोहलपुरमा रहेको वातावरण तथा ग्रामीण विकास केन्द्र (इन्रुडेक) बाँके द्वारा कोहलपुर नगरपालिकाको विपद् तथा राहत व्यवस्थापन कोषमा ५१ हजार सहयोग गरेको छ । शनिबार इन्रुडेक बाँकेका अध्यक्ष धर्मलाल रोकायले कोहलपुर नगरपालिकाका प्रमुख लुट बहादुर रावतलाई ५१ हजार रुपैयाको चेक हस्तान्तरण गरेका हुन् ।
कोहलपुर नगरपालिका प्रमुख रावतले चेक बुझ्दै विपद्को समयमा यहाँहरुको सहयोग निकै ठुलो ठानेको बताए । अहिले विश्वव्यापी रुपमा फैलिएको कोरोनाका कारणले गर्दा आफ्नो देश पनि अछुतो रहेको छैनन उनले भने कोरोना संग जुध्नका लागि सबै लागि परेभने यसको निर्मुल पार्न सकिन्छ ।
अन्य संघ-संस्था, तथा व्यक्तिहरुले विपद् कोषमा जम्मा गर्ने चाहेमा कोहलपुर नगरपालिकाको कृषि विकास बैंक, कोहलपुर शाखामा रहेको विपद् व्यवस्थापन कोषको खाता नं. ०७२०५०१०००२३५३०६ मा सहयोग गर्ने सकिने व्यवस्था गरिएको उनको भनाई थियो ।
यस्तै इरुन्डेक बाँकेका अध्यक्ष रोकायले दैनिक ज्याला मजदुरी गरेर बिहान बेलुकाको छाक टार्नुपर्ने मजदुर तथा विपन्न समुदायका मानिसलाई थोरै भएपनि राहत होस भनेर सहयोग गरेको बताए ।