कोहलपुर/ बाँकेको बैजनाथ गाउँपालिका वडा नं ६ लालपुरमा सोमबारदेखि सुरु भएको लालपुर एकादशी मेला २०७५ मंगलबार सम्पन्न भएको छ । प्रत्येक वर्ष हरिबोधनी एकादशीको अवसरमा लाग्ने सो मेला दुई दिनसम्म सञ्चालन भएको थियो ।
न्यु जर्नी युथ क्लबको व्यवस्थापनमा सञ्चालन गरिएको सो मेलामा परम्परागत लहरे, टप्पा, तथा मयुर नाच, पञ्चेवाजा लगायतका झाँकीहरु प्रस्तुत गरिएको मेला आयोजक समितका संरक्षक दिल विश्वकर्माले बताए ।
मेलाको अवसरमा मंगलबार विविध सांंस्कृतिक कार्यक्रम समेत प्रस्तुत गरिएको थियो । सांस्कृति पस्तुति हर्ने दर्शकहरुको घुइँचो लागेको थियो । मेलामा विभिन्न खेल तथा मनोरञ्जनात्मक कार्यक्रम समेत प्रस्तुत गरिएको थियो । मेलामा बाँके र बर्दियाका दर्शकहरुले आफ्ना मौलिक संस्कृतिकहरु प्रस्तुत गरेका थिए ।
मेलामा विभिन्न खाजानास्ता, फलफुल, खेलौना गरी करिब २ सय ७५ वटा स्टलहरु समेत राखिएको बताइएको छ । मेलालाई भव्य र सभ्य रुपमा सम्पन्न गर्न थुप्रै स्वयंसेवक समेत परिचालन गरिएको थियो ।
केही समय अघिसम्म बर्दियाको महादेवामा लाग्ने गरेको सो मेला केही वर्ष यता न्यु हरियाली सामुदायिक वनको खेल मैदानमा लाग्ने गरेको छ । मेलामा बाँके र बर्दियाका थुप्रै स्थानीयहरु अवलोकन गरेका थिए ।
प्रतिक्रिया दिनुहोस्