बाँके खजूरा,२७ वैशाख/ खजूरा गाउँपालिका–१ राधापुरलाई साक्षर वडा घोषणा गरिने भएको छ ।
साक्षर वडा घोषणाका लागि बिहीबार राधापुरस्थित वडा कार्यालयमा भएको सरोकारवालाहरुको अभिमुखीकरण कार्यक्रममा यहि जेठ ११ गते साक्षर वडा घोषणा कार्यक्रम गरिने निर्णय भएको छ ।
खजूरा गाउँपालिकाको सहयोगमा समृद्धिका पाईला बाँके र राधापुर सामुदायिक अध्ययन केन्द्रले अभिमुखीकरण कार्यक्रम आयोजना गरेका हुन् ।
कार्यक्रममा खजूरा गाउँपालिकाका गाउँ जिल्ला शिक्षा अधिकारी विद्यालय निरीक्षक विश्वराज ढकाल र श्रोत व्यक्ति टंकनाथ दाहालले सहजिकरण गरेका थिए ।
कार्यक्रममा खजूरा गाउँपालिका कार्यपालिका सदस्य फत्तेकुमारी जैसीले स्वागत गर्दै साक्षर वडा घोषणाका लागि शुभकामना व्यक्त गरेकी थिइन् । यसैगरी वडा सदस्यहरु रामबहादुर शाही र दीपा विकले पूर्ण साक्षरता वडा घोषणाका लागि प्रतिवद्धता जनाएका थिए ।
प्रतिक्रिया दिनुहोस्