15 May 2021  |   शनिबार, जेष्ठ १, २०७८

बैश्य भारी मतले बिजयी

मिसनटुडे संवाददाता
प्रकाशित मितिः सोमवार, भदौ १३, २०७३  

नेपालगञ्ज उद्योग वाणिज्य संघ निर्वाचन
कोहलपुर, भदौ १३
नेपालगञ्ज उद्योग वाणिज्य संघको अध्यक्षमा नन्दलाल बैश्य भारी मतले बिजयी भएका छन् । आगामी कार्यकालका लागि शनिबार संघको निर्वाचन भएको थियो । आइतबार राती सम्पन्न भएको अध्यक्ष पदको मतगणनामा बैश्यले आफ्ना निकटतम प्रतिद्वन्द्वी प्रजातान्त्रिक उद्योगी व्यवसायी समूहतर्फका अध्यक्ष पदका उम्मेदवार गोपाल प्रसाद अधिकारलाई भारी मतले पराजित गरी बिजयी भएका हुन् । त्यस्तै समाबेशी साझा समूहतर्फबाट अध्यक्षका उम्मेदवार कपिल प्रसाद अधिकारी पुछारमा रहे । निर्वाचनमा बैश्यले एक हजार ४ सय ७१ मत ल्याएर बिजयी भएसंगै संघको हालसम्मको निर्वाचनमा भारी मत ल्याएर नयाँ इतिहास समेत कायम गरेका छन् । निकटतम प्रतिद्वन्द्वी गोपालले जम्मा ५ सय ८२ मत प्राप्त गरे भने कपिलले जम्मा ४ सय ५८ मत प्राप्त गरेका थिए । निर्वाचनको परिणाम अनुसार बैश्यल प्यानलबाट बहुमत आउने देखिएको छ ।

14137931_1104802919607171_1073598911_n

संघको उद्योग र वााणिज्यतर्फको उपाध्यक्षमा पनि समाबेशी प्यानलका अब्दुल वाहिद मन्सुरी चुन्न र दुर्गा भण्डारी बिजयी भएका छन् । प्रजातान्त्रिकका केही उम्मेदवार मात्र आउने देखिएको छ । यो समाचार तयार पार्दासम्म समाबेशी प्यानलबाट करिब ९ जनाले बिजयी हुने देखिएको छ भने प्रजातान्त्रिक समूहबाट ३ जना उम्मेदवारले संघको आगामी कार्यकालका लागि आउने देखिएको छ ।

प्रकाशित मितिः सोमवार, भदौ १३, २०७३     11:50:14 AM  |

Leave a Reply

Your email address will not be published. Required fields are marked *