मिसनटुडे संवाददाता
प्रकाशित मितिः आइतवार, फाल्गुन २, २०७२
नयाँ दिल्ली, फागुन २ । केही समय यता अमेरिका र भारतबीच सुमधुर सम्बन्ध बनेको टिप्पणी हुँदै आएको थियो तर अमेरिकाको एउटा निर्णयले यी दुई देशबीचको सम्बन्धमा फेरि एउटा दुरी सिर्जना गरेको छ ।
अमेरिकाले भारतको पारम्परिक सामरिक प्रतिद्वन्द्वी मानिएको पाकिस्तानलाई आठवटा ‘एफ–१६’ लडाकु बिमान बेच्ने निर्णय
गरेको छ । ती विमान परमाणु क्षमतासहितका हुन् ।
अमेरिकाको सो निर्णयबाट भारतले आफू स्तब्ध भएको जनाएको छ । साथै उसले अमेरिकासामू औपचारिक रुपमै आपत्ति जनाएको छ ।
भारतीय विदेशमन्त्रालयका प्रवक्ता विकास स्वरुपका अनुसार ओबामा प्रशासनको यो निर्णयबाट भारत सरकार निराश बनेको छ । (एजेन्सी)