कोहलपुर ।
कोहलपुरमा जेसीज सप्ताह २०२४ सम्पन्न भएको छ । शनिबार एक कार्यक्रमकाबिच जेसीज सप्ताह २०२४ सम्पन्न भएको हो । कोहलपुर जेसीज २०२४ को आयोजनामा सुरु भएको सप्ताहको अवसरमा एक सातासम्म विभिन्न कार्यक्रमहरू भएका थिए ।
कोहलपुर नगरपालिका उपप्रमुख संगिता सुबेदीको प्रमुख आतिथ्यतामा जेसीज सप्ताहको समापन गरिएको थियो । जेसीज सप्ताहको अवसरमा ट्राफिक सचेतना कार्यक्रम र स्लो बाइक रेस प्रतियोगिता, स्वास्थ्य परीक्षण, किशोरी आत्मरक्षा तालिम, व्यक्ति तथा नेतृत्व विकासका तालिम लगायतका कार्यक्रमहरू सञ्चालन गरिएको कोहलपुर जेसीज २०२४ का अध्यक्ष राजकुमार पौडेलले जानकारी दिए ।
‘विगतका वर्षहरूमा जस्तै यसवर्ष पनि जेसीज सप्ताह भव्यरूपमा सम्पन्न भएको छ’ उनले भने, ‘जेसीज सप्ताहकै अवसरमा भएका विभिन्न कार्यक्रमहरू उत्साहपूर्ण सहभागिताका साथ जेसीज सप्ताह २०२४ सम्पन्न भयो ।’
शनिबार भएको समापन कार्यक्रममा एक साताभरी भएका कार्यक्रममा सहयोग गर्ने विभिन्न व्यक्ति तथा संघ संस्थाहरू लगायतलाई प्रमाणपत्र दिइएको थियो । कार्यक्रमकै अवसरमा सप्ताहका अवसरमा भएका विभिन्न कार्यक्रमका बिजेताहरूलाई उपप्रमुख सुबेदी लगायतले पुरस्कार र प्रमाणपत्र दिएका थिए ।
प्रतिक्रिया दिनुहोस्