कोहलपुर ।
कोहलपुर नगरपालिका–२ सिद्धनगरमा अवस्थित वसन्त बचत तथा ऋण सहकारी संस्था लिमिटेडले १२औँ स्थापना दिवस मनाएको छ । शनिबार संस्थाका अध्यक्ष शशिन्द्र शाहीको प्रमुख अतिथ्यमा १२औँ स्थापना दिवस मनाइएको हो ।
पानसमा बत्ती बाली केक काटेर उनले कार्यक्रमको उद्घाटन गरेका थिए । सो अवसरमा बोल्दै उनले संस्थाले स्थापनाकालदेखि विभिन्न आरोह अवरोह पार गर्दै ११ वर्ष पूरा गर्न सफल भएको बताए ।
स्थापना गर्दा ३३ जना बचतकर्ताबाट सुरु भएको वसन्त सहकारी संस्थामा अहिले २ हजार ७० बचतकर्ता पुगेको उनले जानकारी दिए । बचतकर्ताहरूले संस्थालाई गरेको विश्वास र भरोसा कहिले पनि टुट्न नदिने उनले प्रतिबद्धता जनाए ।
सो अवसरमा संस्थाका व्यवस्थापक बालाराम खनालले संस्थामा आबद्ध रहेका बचतकर्ता, सेयरधनीलगायतका संस्थामा शुभेक्षा राख्ने सबैलाई धन्यवाद व्यक्त गरे । आजसम्म बचतकर्ताबाट पाएको अपार मायाप्रति सधैँ संस्था ऋणी रहेको उनले बताए ।
स्थापनाकालदेखि अहिलेसम्म संस्था निरन्तर नाफामा रहेको उनले जानकारी दिए । सेवा सँगसँगै गाउँघरमा रहेका महिलाहरूलाई आर्थिक रूपमा सक्षम बनाउन संस्था कटिबद्ध रहेको उनले जनाए ।
सो अवसरमा भवन निर्माण गर्दा आर्थिक सहयोग गर्ने ३० जनालाई खादा र अबिर लगाएर सम्मानसमेत गरिएको थियो ।
प्रतिक्रिया दिनुहोस्