कृष्ण ओली । बाँके ।
बाँकेको जानकी गाउँपालिका–६ गनापुरमा गोली चलेको छ । बिहीबार बिहान १० बजेको समयमा लागु औषध कारोबारीलाई नियन्त्रणमा लिनको लागि प्रहरीले गोली चलाएको हो ।
जिल्ला प्रहरी कार्यालय बाँकेका प्रमुख प्रहरी उपरीक्षक (एसपी) तुलबहादुर कार्कीले गोली चलाएर दुई जना लागूऔषध कारोबारीलाई पक्राउ गरिएको पुष्टि गरे ।
लागु औषध नियन्त्रण ब्युरो काठमाडौंबाट खटिएको प्रहरी निरीक्षक रुपेश विष्ट र सई बालकृष्ण सञ्जेलको टीमले लागुऔषध कारोबारी नियन्त्रणमा लिने क्रममा गोली चलाएको थियो ।
कोहलपुर नगरपालिका–१२ चप्पलगौडी बस्ने २६ वर्षीय सुशील परियारलाई गोली प्रहार गरेर ब्युरोले टोलीले पक्राउ गरेको छ ।
परियार भाग्न खोजेपछि प्रहरीले गोली चलाएको एसपी कार्कीले जानकारी दिए । परियाको खुट्टामा गोली लागेको छ । उनीसँगै प्रहरीले प्रमोद कार्कीलाई समेत पक्राउ गरेको छ ।
उनीहरूको साथबाट ११४ ग्राम लागुऔषध ब्राउनसुगर समेत बरामद भएको एसपी कार्कीले मिसन टुडेलाई जानकारी दिए ।
प्रतिक्रिया दिनुहोस्