20 May 2024  |   सोमवार, जेष्ठ ७, २०८१

सहकारी महासंघ सञ्चालक सदस्यमा सुवेदी

मिसनटुडे संवाददाता
प्रकाशित मितिः सोमवार, माघ १, २०८०  

नेपालगन्ज।
जिल्ला सहकारी संघ बाँकेका अध्यक्ष प्रेम सुवेदी राष्ट्रिय सहकारी महासंघ केन्द्रीय सञ्चालक समितिमा सर्वसम्मत निर्वाचित भएका छन् । २०८० पुस २७ र २८ गते सम्पन्न ३१औं वार्षिक साधारण सभाले अभियन्ता ओमदेवी मल्ललाई सर्वसम्मत अध्यक्षसहित बाँकेका सुवेदीलगायतलाई सदस्यमा चयन गर्ने निर्णय गरेको हो ।

सुवेदी सहकारी संघ बाँकेको र लुम्बिनी प्रदेशको पनि अध्यक्ष छन् । लामो समयदेखि सहकारी अभियानमा संलग्न सुवेदीले महासंघको केन्द्रीय तहमा जिम्मेवारी पाएपछि तल्लो निकायमा नेतृत्व हस्तान्तरण गर्ने योजना बनाएका छन् । महासंघको २५ सदस्यीय ९ (निर्वाचित) २४ र एक (पदेन) सञ्चालक समिति र ३ सदस्यीय लेखा सुपरीवेक्षण समिति निर्विरोध निर्वाचित भएको हो ।

महासंघको वरिष्ठ उपाध्यक्षमा अघिल्लो कार्यकालमा उपाध्यक्ष रहेका रमेशप्रसाद पोखरेल चयन भएका छन् । उनी राष्ट्रिय सहकारी बैंकको निवर्तमान अध्यक्षसमेत हुन् । यसैगरी नवनिर्वाचित उपाध्यक्षहरूमा खेमबहादुर पाठक, डिबी बस्नेत र इन्दिरा पन्त छन् । पछिल्लो संशोधिन विनियम अनुसार पहिलोपटक तीन उपाध्यक्ष कायम भएको हो ।

त्यसैगरी, लेखा सुपरीवेक्षण समितिको संयोजकमा भीम तुलाचन निर्वाचित भएका छन् । अन्य सञ्चालकहरूमा टेकप्रसाद चौलागाई, हुमाकुमारी जिसी अन्जु, बद्रीप्रसाद लम्साल, काशीचन्द्र बराल, परितोष पौड्याल, हरिहरनाथ योगी, माधवप्रसाद जोशी, शम्भुप्रसाद, छत्रप्रसाद रिमाल, पार्वती न्यौपाने, टीका न्यौपाने, नथुनी यादव, प्रेमप्रसाद सुवेदी जैसीलगायत छन् ।

प्रकाशित मितिः सोमवार, माघ १, २०८०     9:43:22 AM  |