4 March 2024  |   सोमवार, फाल्गुन २१, २०८०

हाम्रो सिभिल कृषि सहकारीको अध्यक्षमा रेग्मी

मिसनटुडे संवाददाता
प्रकाशित मितिः शुक्रबार, पुस २७, २०८०  

नेपालगन्ज।
नेपालगन्ज उपमाहानगरपालिका–२० मा अवस्थित हाम्रो सिभिल कृषि सहकारी संस्थाको अध्यक्षमा डिल्लीराज रेग्मी चयन भएका छन् । संस्थाको नवौं वार्षिक साधारण सभाद्वारा रेग्मी दोस्रो कार्यकालका लागि सर्वसम्मत चयन भएका हुन् । राँझा एयरपोर्टस्थित संस्थाको कार्यालयमा आयोजित कार्यक्रममा पायोनियर बचत तथा ऋण सहकारी संस्थाकी अध्यक्ष शशि स्वाँर प्रमुख अथिति रहेकी थिइन् ।

जम्मा ४ सय जना सदस्य रहेको संस्थाको आर्थिक वर्ष २०७९÷०८० मा १५ लाख ४१ हजार ३ सय रहेको सेयर पुँजी आर्थिक वर्ष २०८०÷०८१ मा २२ लाख ३४ हजार ९ सय पु¥याउने लक्ष्य रहेको अध्यक्षले प्रतिवेदनमा प्रस्तुत गरेका थिए । आगामी आर्थिक वर्षमा बचत संकलन र कर्जा लगानी, पशुपन्छीको दाना बिक्री, बिउ बिजन तथा मल बिक्री, हाटबजार व्यवस्थापन, पशुपन्छी पालन, आधुनिक तरकारी खेती र सिँचाइ प्रविधिको विकासजस्ता सातवटा लक्ष्य प्रतिवेदनमा प्रस्तुत गरिएको छ ।

अध्यक्ष रेग्मीसहित नौ सदस्य कार्यसमितिमा उपाध्यक्ष हेमबहादुर स्वाँर, सचिवमा वीरबहादुर हमाल, कोषाध्यक्षमा आशा खनाल र सदस्यहरूमा क्रमशः जनकराम भण्डारी, धनबहादुर पुन, शोभा श्रेष्ठ, शुभद्रा श्रेष्ठ, रमि शाक्य सर्वसम्मत चयन भएका छन् ।

 

प्रकाशित मितिः शुक्रबार, पुस २७, २०८०     9:15:51 AM  |