मिसनटुडे संवाददाता
प्रकाशित मितिः बुधबार, साउन १७, २०८०
काठमाडौं ।
भारतको पश्चिमी राज्य महाराष्ट्रमा राजमार्ग निर्माणस्थलमा क्रेन खस्दा कम्तीमा १७ जनाको मृत्यु भएको छ ।
महाराष्ट्रको राजधानी मुम्बईबाट करिब ७१ किलोमिटर उत्तरपूर्वमा पर्ने ठाणे जिल्लाको शाहापुर नजिकै उक्त घटना भएको प्रहरीले जनाएको
छ ।
मृत्यु हुनेमा पाँचजना इन्जिनियर थिए भने बाँकी मजदुर रहेको प्रहरीले जनाएको छ ।
राष्ट्रिय प्रकोप उद्धार बल, दमकल विभाग र प्रहरीका उद्धारकर्मीहरूको टोलीले भग्नावशेष हटाउन र फसेका मानिसहरूलाई उद्धार गर्न क्रेन प्रयोग गरेर घटनास्थलमा पुगेका थिए।
घाइते तीनैजनालाई नजिकैको अस्पतालमा लगिएको छ । भारतका प्रधानमन्त्री नरेन्द्र मोदीले घटनाप्रति दुःख व्यक्त गर्दै मृतकका परिवारलाई राहतस्वरूप आर्थिक सहयोग दिने घोषणा गरेका छन् ।