4 March 2024  |   सोमवार, फाल्गुन २१, २०८०

ढकेरीमा मोटरसाइकल र स्कारपियो ठोक्किदा दुई गम्भीर घाइते

मिसनटुडे संवाददाता
प्रकाशित मितिः सोमवार, साउन १५, २०८०  

बाँके ।

पूर्व पश्चिम राजमार्ग अन्तर्गत कोहलपुर ढकेरी सडक खण्डमा भएको सवारी दुर्घटनामा परेर दुईजना गम्भीर घाइते भएका छन् । पश्चिम रूकुमबाट नेपालगन्ज जाँदै गरेको मोटरसाइकल र कैलालीबाट दाङ जाँदै गरेको स्कारपियो ठोक्किदा दुर्घटना भएको हो ।

ढकेरी नजिकैको पुलमा दुई सवारी साधन ठोक्किदा मोटरसाइकलमा सवार दुईजना गम्भीर घाइते भएको ढकेरी प्रहरीले जनाएको छ ।
घाइते हुनेमा मोटरसाइकल चालक जनक कुसारी र अर्जुन कुसारी रहेका छन् ।

घाइतेमध्ये जनक सामान्य घाइते भएपनि अर्जुन भने गम्भीर घाइते भएको बताइएको छ । घाइते दुबैको मेडिकल कलेज कोहलपुरमा उपचार भइरहेको छ ।

स्कारपियो र चालकलाई कोहलपुर प्रहरीले नियन्त्रणमा लिएको छ ।

प्रकाशित मितिः सोमवार, साउन १५, २०८०     1:00:34 PM  |