काठमाडौ ।
मङ्गलवार सवा १० बजेबाट सम्पर्क बिच्छेद भएको मनाङ एयर पाइलट चेतबहादुर गुरुङले चलाएका थिए । गुरुङ निकै अनुभवी पाइलट हुन् ।
उनी निकट स्रोतका अनुसार उनले सन १९९८ देखि उडान शुरु गरेका थिए । पछिल्लो १० वर्ष यता भने गुरुङ मनाङ एयरमा आबद्ध थिए । उनी ५४ वर्ष भएको जनाइएको छ ।
नाइनएनए/एमभी कलसाइनको हेलिकप्टर सोलुखुम्बुको लामजुरामा दुर्घटना भएको छ ।
सोलुदूधकुण्ड नगरपालिका र लिखुपिके गाउँपालिका नजिकैको लाम्जुरामा हेलिकप्टर दुर्घटना भएको प्रारम्भिक सूचना आएको कोशी प्रदेशका प्रहरी प्रमुख राजेशनाथ बास्तोलाले नेपाल प्रेसलाई बताए ।
अल्टिच्युट एयरमार्फत हेलिकप्टरको खोजी भइरहेको छ । हेलिकप्टरमा पाइलटसहित ६ जना यात्रु रहेका थिए । पाइलट मात्र नेपाली र बाँकी सबै मेक्सिकन नागरिक भएको मनाङ एयरका प्रबन्धक राजु न्यौपानेले बताए ।
प्रकाशित मिति : २०८० असार २६ गते मंगलबार
प्रतिक्रिया दिनुहोस्