नेपालगन्जमा लघुकथा लेखन कार्यशाला गोष्ठी सम्पन्न

नेपालगन्ज । नेपालगन्जमा लघुकथा लेखन कार्यशाला गोष्ठी सम्पन्न भएको छ । मंगलबार शाश्वत आचार्य स्मृत्ती प्रतिष्ठानको आयोजनामा सम्पन्न कार्यशाला गोष्ठीमा लघुकथामा नेपालकै प्रथम विद्यावारिधीकर्ता डा. पुष्करराज भट्टले प्रशिक्षण दिएका थिए । कार्यक्रममा नेपाल प्रज्ञा प्रतिष्ठानका पूर्व सदस्य सचिव सनत रेग्मी, प्राज्ञ हरि तिमिल्सिना लगायतको उपस्थिति रहेको थियो ।
शाश्वत आचार्य स्मृति प्रतिष्ठानका अध्यक्ष साहित्यकार किरण आचार्यको सभापतित्वमा भएको कार्यक्रममा साहित्यकार सृजन लम्साल, छविलाल खड्का, किरण आचार्य र सुमित्रा न्यौपानेले लघुकथा वाचन गरेका थिए । वाचन गरेको लघुकथा माथि समिक्षात्मक टिप्पणी समेत गरिएको थियोे ।