नेपालगन्जमा क्रिकेट कप प्रतियोगिता सुरु

नेपालगन्ज, २० माघ
नेपालगन्जमा आजदेखि मेयर तथा उपमेयर कप क्रिकेट प्रतियोगिता सुरु भएको छ । बाँके जिल्ला क्रिकेट संघको आयोजना तथा नेपालगन्ज उपमहानगरपालिकाको सहयोगमा मेयर कप पुरुष र उपमेयर कप महिलाको प्रतियोगिता हुन लागेको हो । प्रतियोगिताबारे जानकारी दिन शुक्रबार आयोजित पत्रकार सम्मेलनमासंघका अध्यक्ष सरोबर प्रसाईंले पुरुष मेयर कप क्रिकेट प्रतियोगितामा २२ वटा टीमले भाग लिएका छन् भने महिला तर्फको उपमेयर कपमा ६ वटा टीमले भाग लिएका छन् ।

मेयर कपको विजेताले ७५ हजार र उपविजेताले ३५ हजार तथा उपमेयर कपको विजेताले २५ हजार र उपविजेताले १५ हजार र ट्रफी पाउने छन् । मंगलप्र्रसाद स्कूलको खेल मैदानमा हुने प्रतियोगितामा प्रतियोगितामा दुवैतर्फका प्लेयर अफ द सिरिजलाई ११ हजार र ट्रफी तथा प्रत्येक म्याचका प्लेयर अफ द म्याचलाई एक हजार पुरस्कार प्रदान गरिने प्रसाईंले बताए ।