बाँके ।
बर्दियाको ठाकुरबाबामा ट्रकको ठक्करबाट मोटरसाइकल चालकको ज्यान गएको छ । बिहीबार राति ठाकुरबाबा नगरपालिका–५ वनकट्टी नजिकै ट्रकको ठक्करबाट मोटरसाइकल चालकको मृत्यु भएको हो ।
भुरिगाउँबाट धान लिएर जाँदै गरेको भे १ ख ३८३७ नम्बरको ट्रकले र भे ७ प ४६८२ नम्बरको मोटरसाइकललाई ठक्कर दिएको थियो । ठक्करबाट मोटरसाइकल चालक ठाकुरबाबा नगरपालिका–५ शाहिपुरका २६ वर्षीय आशिष थारुको मृत्यु भएको ईलाका प्रहरी कार्यालय भुरिगाउँले जनाएको छ ।
मृतक थारुका आफन्तले शुक्रबार दिनभर क्षतिपूर्तिको माग गर्दै पूर्व पश्चिम राजमार्ग अन्तर्गत बर्दियाको भुरीगाउँ बजार र गुलरिया जाने हुलाकी सडक खण्ड अवरुद्ध पारेका थिए ।
ठक्कर दिने ट्रक र चालकलाई नियन्त्रणमा लिइएको ईलाका प्रहरी कार्यालय भुरिगाउँका ईन्चार्ज प्रहरी निरीक्षक पवन पछाईले जानकारी दिए । यसबारे थप अनुसन्धान अगाडि बढाइएको प्रहरीले जनाएको छ ।