मिसनटुडे संवाददाता
प्रकाशित मितिः सोमवार, पुस ११, २०७९
बाँके ।
जानकी गाउँपालिकाबाट प्रहरीले लागुऔषध ब्राउनसुगरसहित एक युवकलाई पक्राउ गरेको छ । गाउँपालिकाको वडा नम्बर ३ जुगन भरियाबाट लागुऔषध ब्राउनसुगरसहित एक युवक पक्राउ परेका हुन् ।
करिब ५ ग्राम ब्राउनसुगरसहित पक्राउ पर्नेमा सोही ठाउँका २२ वर्षीय अर्जुन पासी रहेका छन् । उनलाई शनिबार दिउँसो पक्राउ गरिएको ईलाका प्रहरी कार्यालय खजुराखुर्दले जनाएको छ ।
भे.८ प ३६६१ नम्बरको मोटरसाइकललाई रोकेर जाँच गर्ने क्रममा पासीको साथबाट लागुऔषध बरामद भएको थियो । उनीमाथि थप अनुसन्धान अगाडि बढाइएको ईलाका प्रहरी कार्यालय धनौली खजुराले जनाएको छ ।