मिसनटुडे संवाददाता
प्रकाशित मितिः आइतवार, पुस १०, २०७९
बाँके ।
पुस ६ गतेदेखि ९ गतेसम्म भएको प्रथम उपप्रमुख कप बैजनाथ गाउँपालिका स्तरीय अन्तर विद्यालय खेलकुद प्रतियोगितामा भगवती मावि हसनापुर तीन खेलमा विभिन्न स्थान हासिल गरेको छ ।
विद्यालयका शिक्षक दिलबहादुर केसीले विभिन्न तीन खेलमा सहभागी विद्यार्थीहरुले विभिन्न स्थान हासिल गरेको जानकारी मिसन टुडेलाई जानकारी दिए ।
छात्रा विनिता कुमारी बुढाक्षेत्रीले माध्यामिक तहतर्फ लङ जम्पमा प्रथम र २०० मिटर दौडमा तृतीय स्थान हासिल गरेकी थिइन् । आधारभुत तहतर्फ ४ इन्टु १०० मिटर रिले दौडमा विद्यालयका छात्राहरु दिपिका बुढाक्षेत्री, स्नेह सुनार, पुनम थापा र भावना विकले तृतीय स्थान हासिल गरेका थिए । विद्यालयबाट ९ जना छात्राहरुले विभिन्न खेलमा सहभागीता जनाएको शिक्षक केसीले जानकारी दिए ।