दाङ ।
दाङमा टिपर र बस एकआपसमा ठोक्किँदा भएको दुर्घटनामा ८ जना यात्रु घाइते भएका छन्।
लमहीबाट घोराही जाँदै गरेको रा १ ख १३६० नम्बरको टिप्पर र घोराहीदेखि बुटवल जाँदै गरेको लु १ ख ८४७२ बस लमही नगरपालिका–६ बेलदमारमा ठोक्किएको थियो।
दुर्घटनापछि अवरुद्ध सडक सुचारु गर्ने क्रममा तीन वटा कार र दुई वटा मोटरसाइकलमा क्षति पुगेको वडा प्रहरी कार्यालय लमहीले जनाएको छ।
दुर्घटनामा परेको बस हटाउने क्रममा बस ब्याक हुँदा कार र मोटरसाइकलमा क्षति भएको छ। कारमा सवार थप पाँच जना यात्रु घाइते भएका छन्। घाइतेहरुको लमही अस्पतालमा उपचार भइरहेको छ।
प्रकाशित मिति : २०७९ मंसिर २० गते मंगलबार
प्रतिक्रिया दिनुहोस्