कोहलपुर: बाँके क्षेत्र नम्बर अन्तर्गत कोहलपुर नगरपालिकाका विभिन्न क्षेत्रमा विहान ७ बजेदेखि मतदान सुरु भएको छ । जिल्लाको सबै भन्दा ठूलो निर्वाचन क्षेत्रका रुपमा रहेको बाँके १ अन्तर्गत कोहलपुरका विभिन्न मतदान केन्द्रमा सौहार्दपूर्ण वातावरण मतदान भइरहेको हो ।
बाँके १ बाट प्रतिनिधि सभा निर्वाचन क्षेत्र नम्बर १ अन्तर्गत पिपिरी मतदान केन्द्रमा लोकतान्त्रिक बाम गठबन्धनका उम्मेदवार महेश्वर जंग गहतराज अथकले मतदान गरे ।
यस्तै कोहलपुर १२ स्थित ज्ञान ज्योति उच्च माविको मतदान केन्द्रमा नेकपा एमालेका तर्फबाट उम्मेदवार बनेका सुर्य प्रसाद ढकालले मतदान गरेका छन् ।
यस क्षेत्रमा मतदाताहरु उत्साहपूर्ण रुपमा मतदान प्रक्रियामा सहभागी भइरहेका छन् । अहिलेसम्म ९४ वर्षीयदेखि सुत्केरी र अपांगता भएका व्यक्तिहरुले मतदान गरेका छन् । यस क्षेत्रमा १ लाख २१ हजार मतदाता छन् ।
प्रतिक्रिया दिनुहोस्