काठमाडौं ।
नेकपा (माओवादी केन्द्र)ले पूर्व सभामुख ओनसरी घर्तिलाई काठमाडौं क्षेत्र नम्बर २ बाट उम्मेदवार बनाएको छ । यसअघि माधव नेपाल निर्वाचित सो क्षेत्र माओवादीको भागमा परेपछि अन्तिम समयमा घर्तीलाई उम्मेदवार बनाइएको हो ।
त्यस्तै काठमाडौं क्षेत्र नम्बर ९ मा माओवादीले कल्पना धमलालाई उम्मेदवार बनाएको छ । २०६४ मा धादिङ २ बाट निर्वाचित भएकी धमला यसपटक काठमाडौं ९ मा चुनाव लड्न लागेकी हुन् ।
सो क्षेत्र हितमान शाक्यका लागि मागिए पनि अन्तिममा धमलाले बाजी मारेकी छन् । माओवादीले पाएको अर्को सीट काठमाडौं -७ मा मानुषी यमीले टिकट पाइसकेकी छन् । माओवादीले काठमाडौंमा पाएका तीन वटै सीटमा महिला उम्मेदवार बनाएको छ ।
प्रकाशित मिति : २०७९ असोज २३ गते आइतबार
प्रतिक्रिया दिनुहोस्