बाँके ।
दैलेखबाट प्रहरी लागुऔषध ब्राउनसुगरसहित एकजनालाई पक्राउ गरेको छ । नारायण नगरपालिका–१ टुडिखेलबाट पक्राउ पर्नेमा नारायण–२ कुसाडाका ३० वर्षीया रोबट सिजापति छन् ।
लागुऔषधसहित घुमफिर गरिरहेको छ भन्ने विशेष सूचनाको आधारमा जिल्ला प्रहरी कार्यालय दैलेखबाट खटिएको प्रहरी टोलीले उनीलाई पक्राउ गरेको थियो ।
खानतलासी गर्दा लागुऔषध ब्राउनसुगर जस्तो देखिने दुई सय ९० मिलिग्राम धुलो पदार्थ बरामद भएको प्रहरीले जनाएको छ । पक्राउ परेका सिजापतिलाई हिरासतमा लिएर आवश्यक अनुसन्धान अगाडि बढाइएको दैलेख प्रहरीले जनाएको छ ।
प्रकाशित मिति : २०७९ असोज ६ गते बिहीबार
प्रतिक्रिया दिनुहोस्