27 November 2020  |   शुक्रबार, मंसिर १२, २०७७

मोटरसाइकल दुर्घटनामा घाइते एक जनाको मृत्यु

मिसनटुडे संवाददाता
प्रकाशित मितिः शुक्रबार, कार्तिक १४, २०७७  

कैलाली ।

कञ्चनपुरमा मोटरसाइकल दुर्घटनामा परी घाइते भएका एक जनाको मृत्यु भएको छ ।

बिहिबार साझ जिल्लाको कृष्णपुर नगरपालिका–६ अमखैयामा भएको दुर्घटनामा परी घाइते भएका बेदकोट नगरपालिका–५ का ४५ वर्षीय प्रेमबहादुर साउदको उपचारको क्रममा कोहलपुर अस्पताल नेपालगञ्जमा मृत्यु भएको हो ।

उनी सवार म२प ६२७२ नम्बरको मोटरसाइकललाई से१ज १०२७ नम्बरको विङगरले ठक्कर दिएको थियो । ठक्करबाट साउदसहित मोटरसाइकलमा सवार बेदकोटकै ६२ वर्षीय कमल साउद घाइते भएको जिल्ला प्रहरी कार्यालय कञ्चनपुरका प्रहरी नायव उपरीक्षक अमरबहादुर थापा क्षेत्रीले बताए ।

दुर्घटनापछि दुवै घाइतेलाई उपचारका लागि धनगढी पठाइएकोमा प्रेमबहादुर साउदलाई थप उपचारका लागि नेपालगञ्ज पुगाइएको उनले बताए । उपचारकै क्रममा साउदको नेपालगञ्जमा मुत्यु भएको र अर्का घाइते कमल साउदको माया मेट्रो अस्पतालमा उपचार भइरहेको प्रहरीले जनाएको छ ।

अहिले मृतकको शव महाकाली अस्पतालमा ल्याइएको र ठक्कर दिने विङगर र चालकलाई नियन्त्रणमा लिएर अनुसन्धान भइरहेको प्रहरी नायव उपरीक्षक अमरबहादुर थापा क्षेत्रीले जानकारी दिए ।

प्रकाशित मितिः शुक्रबार, कार्तिक १४, २०७७     5:54:58 PM  |

Leave a Reply

Your email address will not be published. Required fields are marked *