23 July 2024  |   मङ्लबार, साउन ८, २०८१

एमाले माओवादी एकीकरण विषयले सबैतिर तरंग : थापा

मिसनटुडे संवाददाता
प्रकाशित मितिः शनिबार, कार्तिक १८, २०७४  

मकवानपुर,१८ कात्तिक/  राष्ट्रिय प्रजातन्त्र पार्टीका अध्यक्ष कमल थापाले नेकपा एमाले र माओवादी केन्द्रको पार्टी एकीकरणको कुराले शंका उत्पन्न भएको बताउनुभएको छ ।  

राप्रपाको केन्द्रीय प्रशिक्षण विभागले शनिबारबाट हेटौँडामा सुरु गरेको प्रदेश नम्बर १, २ र ३ को अध्यक्षहरुको प्रशिक्षण कार्यक्रमको उद्घाटन गर्दै उपप्रधानमन्त्रीसमेत रहनुभएका थापाले दुई पार्टीको एकीकरणले सबैतिर तरंग र शंका उत्पन्न भएको बताउनुभयो । तर पार्टी एकिकरणलाई आफूले सकारात्मक रुपमा लिएको बताउनुभयो । अबको समयमा राजनितिक परिवर्तनसँगै आर्थिक परिवर्तन हुन जरुरी रहेको अध्यक्ष थापाको भनाई छ । अहिलेको संविधानलाई आफ्नो पार्टीले आलोचनात्मक रुपमा समर्थन गरेको उहाँले बताउनुभयो । संविधान कार्यन्वयनको अन्तिम रुप आउँदो चुनाव भएको उहाँले बताउनुभयो ।

गणतन्त्र नेपालको संविधान कार्यान्वयनको लागि आउँदो मंसिर १० र २१ गते हुने प्रतिनिधि तथा प्रदेशसभा चुनाव महत्वपूर्ण भएको उहाँको भनाई रहेको थियो । राप्रपा देशको वैकल्पिक शक्ति भएको बताउदै उहाँले राप्रपाले उठाएको मूलभूत कुराहरु अझै पनि संविधानमा उल्लेख नभएकोले आउँदो चुनावमा राप्रपाले अप्रत्यासित नतिजा ल्याउने बताउनुभयो ।

प्रकाशित मितिः शनिबार, कार्तिक १८, २०७४     5:12:26 PM  |