1 December 2020  |   बुधबार, मंसिर १७, २०७७

तरकारीको पकेट क्षेत्र बन्दै परसपुर

मिसनटुडे संवाददाता
प्रकाशित मितिः सोमवार, पुस २०, २०७२  

कोहलपुर, पौष २०
बाँकेको सदरमुकाम नेपालगन्जसंगै जोडिएको परसपुर क्षेत्र तरकारीको पटेक क्षेत्रको रुपमा विकसित हुन थालेको छ । परसपुरका किसानहरुले व्यवसायिक तरकारी खेतीलाई बढवा दिँदै सो क्षेत्रलाई तरकारी पटेक क्षेत्रका रुपमा स्थापित गर्दै लिन थालेका हुन् ।
उनीहरुले हरेक वर्ष काउली, बन्दागोभी, भाण्टा, मुला लगायतका तरकारीको व्यवसायिक खेती गर्दै आएका
छन् । व्यवसायिकरुपमा तरकारी खेती गर्दै आए पनि किसानहरुलाई सहुलियत दरको मल बिउबिजन तथा सिँचाईको राम्रो प्रबन्ध हुन नसकेको उनीहरुले गुनासो गरेका छन् । परसपुर ढोडेगाउँकी रुजा वागवान तालिम उन्नत जातको बिउबिजन तथा अन्य व्यवस्थापन सरकारले उपलब्ध गराउन सेकमा व्यवासायिक तरकारी खेतीलाई अझै बढवा दिन सकिने
बताउँछिन् । उनले उत्पादन गरेको तरकारी बिक्रीका लागि बजारीकरणको कुनै समस्या नरहेको बताइन् ।
बाँकेको परसपुरमै २० औं वर्षदेखि तरकारी खेती गर्दै आएका किसान हासिन वागवान पनि सरकारले आवश्यक तालिम र सहुलियत तथा अनुदानको व्यवस्था गर्न नसकेको गुनासो गर्छन । उनले शुरुमा ३÷४ कठ्ठाबाट तरकारी खेती शुरु गरे पनि हाल आएर ३ विगाह क्षेत्रफलमा काउली, बन्दा, चम्चुर पालक जातको तरकारी व्यवसायिकरुपमै गर्दै आएको र वार्षिक २ लाखसम्म आम्दानी हुने गरेको बताए ।
यहाँका किसानहरुले पहिले पहिले भारतबाट आयत हुने तरकारी उपभोग गर्ने गरे पनि आजभोली अधिकांश किसानहरु व्यवसायिक तरकारी खेती गर्न थालेकाले एकातिर आम्दानीको स्रोत र अर्कोतिर ताज तरकारी खान पाएकोमा खुशी छन् । कृषि सेवा केन्द्र परसपुरका प्राविधिक सहायक अमर आचार्य परसपुरलगायतका क्षेत्रमा २० हेक्टर जमिनमा किसानहरुले तरकारी खेती गर्दै आएको बताउँछन् । उनले १ कठ्ठामा किसानहरुले करीब १५ क्वीन्टलसम्म तरकारी फलाउने गरेको बताए ।
राधापुर, सीतापुर, बेलभार, बागेश्वरीका किसानहरुले पनि टमाटर, काउली, बन्दालगायत अन्य सिजन अनुसारका तरकारी उत्पादन गर्दै आएका छन् । विस्तारै नेपालगन्ज पश्चिमका क्षेत्रहरु तरकारी पकेट क्षेत्रका रुपमा चिनिदैछन् ।

प्रकाशित मितिः सोमवार, पुस २०, २०७२     3:57:34 PM  |

Leave a Reply

Your email address will not be published. Required fields are marked *